The day aftier hehe

Jahérna hér! Nú er ég árinu eldri en ég var í fyrradag og líður bara dúndurvel! Að sjálfsögðu varð ég 17 en eins og teingdamamma segir þá er maður eins gamall og manni þóknast að vera. Í ár ætla ég að vera 17ára ;) Það er fínn aldur. Í tilefni af því ætla ég að halda stelpupartý með bleiku þema á laugardaginn!

Annars var gærdagurinn bara lovely :) Ég kláraði vinnudaginn og fór í Smáralindina með Agnesi barnapíu, Eldi og Stormi :) Agnes fór með púkana í Veröldina okkar og þeir skemmtu sér konunglega á meðan ég skrapp í Hagkaup og verslaði mér buxur og pils. Að því loknu hittum við Eika minn á Pizza Hut og fengum okkur gott að borða.

Þegar heim var komið kom fullt af óvæntum gestum sem var hálf vandræðalegt því bjáninn ég átti EKKERT til að bjóða fólkinu :-s Ég opnaði ískápinn og bauð þeim.... ab-mjólk!!!
Þarna komu teingdamamma og teingdapabbi, mamma mín og Alma systir og svo kom Guðrún mín með pakka :-D Í honum var alveg ógeðslegaflott kerti, þunnur bogi með fullt af kertaþráðum og vaxið var eins og reykað... Mjög erfitt að lýsa..... Allavegana, það var ógeðslega flott!!!

*
En hann Eldur minn er orðinn veikur. Hann var svo heitur í morgun að ég ákvað að mæla hann og hann var með smá hitavellu. Ég ákvað því að halda honum heima. Sem betur fer því hann fór að kvarta sáran undan magaverkjum og að endingu fór hann að kasta upp. Ég sendi því börnin heim um hádegið til að geta sinnt sjúklinginum mínum fallega.

Jæja, ég læt þetta duga í bili.

Knús og kossar,
Jófó.